குறள் 1018

பிறர்நாணத் தக்கது தான்நாணா னாயின்
அறம்நாணத் தக்கது உடைத்து.

மு.வரதராசனார் உரை:

ஒருவன் மற்றவர் நாணத்தக்க பழிக்குக் காரணமாக இருந்தும் தான் நாணாமலிருப்பானானால், அறம் நாணி அவனைக் கைவிடும் தன்மையுடையதாகும்.

பரிமேலழகர் உரை:

பிறர் நாணத் தக்கது தான் நாணான் ஆயின் – கேட்டாரும் கண்டாரும் நாணத்தக்க பழியை ஒருவன் தான் நாணாது செய்யுமாயின்; அறம் நாணத்தக்கது உடைத்து – அந்நாணாமை அவனை அறம்விட்டு நீங்கத் தக்க குற்றத்தினையுடைத்து. (‘தான்’ எனச் செய்வானைப் பிரிக்கின்றார் ஆகலின், ‘பிறர்’ என்றார். நாணோடு இயைபு இல்லாதானை அறம் சாராது என்பதாம்.).

உரை:

வெட்கப்படவேண்டிய அளவுக்குப் பழிக்கு ஆளானவர்கள் அதற்காக வெட்கப்படாமல் இருந்தால் அவர்களை விட்டு அறநெறி வெட்கப்பட்டு அகன்று விட்டதாகக் கருத வேண்டும்.

சாலமன் பாப்பையா உரை:

மற்றவர் வெட்கப்படும் ஒன்றிற்கு ஒருவன் வெட்கப்படாமல் அதைச் செய்வான் என்றால், அறம் வெட்கப்படும் குற்றம் அவனிடம் இருக்கிறது.

மணக்குடவர் உரை:

உயர்ந்தார் பலரும் நாணத்தகுவ தொன்றினைத் தான் நாணாது செய்வனாயின் அவனை அறம் நாணியடையா தொழியும் தகுதியுடைத்தாம். இது நாணமில்லாதாரை அறம் சாரா தென்றது.

Transliteration:

piRarnhaaNath thakkadhu thaannhaaNaa naayin
aRamnhaaNath thakkadhu udaiththu

Translation:

Though know’st no shame, while all around asha med must be:
Virtue will shrink away ashamed of thee!.

Explanation:

Virtue is likely to forsake him who shamelessly does what others are ashamed of.