குறள் 1041

இன்மையின் இன்னாதது யாதெனின் இன்மையின்
இன்மையே இன்னா தது.

மு.வரதராசனார் உரை:

வறுமையைப் போல் துன்பமானது எது என்று கேட்டால், வறுமையைப் போல் துன்பமானது வறுமை ஒன்றே ஆகும்.

பரிமேலழகர் உரை:

இன்மையின் இன்னாதது யாது எனின் – ஒருவனுக்கு வறுமை போல இன்னாதது யாது என்று வினவின்; இன்மையின் இன்னாதது இன்மையே – வறுமை போல இன்னாதது வறுமையே, பிறிதில்லை. (இன்னாதது – துன்பஞ்செய்வது. ஒப்பது இல்லை எனவே, மிக்கது இன்மை சொல்ல வேண்டாவாயிற்று).

உரை:

வறுமைத் துன்பத்துக்கு உவமையாகக் காட்டுவதற்கு வறுமைத் துன்பத்தைத் தவிர வேறு துன்பம் எதுவுமில்லை.

சாலமன் பாப்பையா உரை:

இன்மையை விடக் கொடியதுஎது என்றால், இல்லாமையை விடக் கொடியது இல்லாமையே.

மணக்குடவர் உரை:

நல்குரவுபோல இன்னாதது யாதெனின் நல்குரவுபோல இன்னாதது தானே. (தானே – நல்குரவே). இது தன்னை யொத்த இன்னாதது பிறிதில்லை யென்றது.

Transliteration:

inmaiyin innaadhadhu yaadhenin inmaiyin
inmaiyae innaa thadhu

Translation:

You ask what sharper pain than poverty is known;
Nothing pains more than poverty, save poverty alone.

Explanation:

There is nothing that afflicts (one) like poverty.