குறள் 509

தேறற்க யாரையும் தேராது தேர்ந்தபின்
தேறுக தேறும் பொருள்.

மு.வரதராசனார் உரை:

யாரையும் ஆராயாமல் தெளியக்கூடாது, நன்றாக ஆராய்ந்த பின்னர் அவரிடம்
தெளிவாகக் கொள்ளத்தக்க பொருள்களைத் தெளிந்து நம்ப வேண்டும்.

பரிமேலழகர் உரை:

யாரையும் தேராது தேறற்க – யாவரையும் ஆராயாது தெளியா தொழிக, தேர்ந்த பின்தேறும் பொருள் தேறுக – ஆராய்ந்தபின் தெளியும் பொருள்களை ஐயுறாது ஒழிக.
(‘தேறற்க’ என்ற பொதுமையான் ஒருவினைக் கண்ணும் தெளியலாகாது என்பது பெற்றாம். ஈண்டு, ‘தேறுக’ என்றது தாற்பரியத்தால் ஐயுறவினது விலக்கின்மேல் நின்றது. ‘தேறும் பொருள்’ என்றது அவரவர் ஆற்றற்கு ஏற்ற வினைகளை. ‘பொருள்’ :ஆகுபெயர்.).

உரை:

நன்கு ஆராய்ந்து தெளிந்த பிறகு ஒருவரிடம் நம்பிக்கை வைக்க வேண்டும். ஆராய்ந்து பாராமல் யாரையும் நம்பிவிடக் கூடாது.

சாலமன் பாப்பையா உரை:

எவரையும் ஆராயாமல் பதவியில் அமர்த்த வேண்டா; ஆராய்ந்த பிறகு தேர்ந்தவற்றின்மேல் சந்தேகம் கொள்ளவும் வேண்டா.

மணக்குடவர் உரை:

யாவரையும் ஆராயாது தெளியாதொழிக; ஆராய்ந்த பின்பு அவராற் றேறப்படும் பொருளைத் தேறுக. இஃது ஒருபொருளிற் றேற்றமுடையாரை எல்லாப் பொருளினும் தெளிக வென்றது.

Transliteration:

theRaRka yaaraiyum thaeraadhu thaerndhapin
thaeRuka thaeRum poruL

Translation:

Trust no man whom you have not fully tried,
When tested, in his prudence proved confide.

Explanation:

Let (a king) choose no one without previous consideration; after he has made his choice, let him unhesitatingly select for each such duties as are appropriate.