குறள் 544

குடிதழீஇக் கோலோச்சும் மாநில மன்னன்
அடிதழீஇ நிற்கும் உலகு.

மு.வ உரை:

குடிகளை அன்போடு அணைத்துக் கொண்டு செங்கோல் செலுத்துகின்ற அரசனுடைய அடியைப்பொருந்தி உலகம் நிலை பெறும்.

பரிமேலழகர் உரை:

குடிதழீஇக் கோல் ஓச்சும் மாநில மன்னன் அடி – தன்குடிகளையும் அணைத்துச் செங்கோலையும் செலுத்தும் பெருநில வேந்தன் அடியை, தழீஇ நிற்கும் உலகு – பொருந்தி, விடார் உலகத்தார்.
(அணைத்தல் – இன்சொல் சொல்லுதலும், தளர்ந்துழி வேண்டுவன கொடுத்தலும் முதலாயின. இவ்விரண்டனையும் வழுவாமல் செய்தான் நிலம் முழுதும் ஆளும் ஆகலின், அவனை ‘மாநில மன்னன்’ என்றும் , அவன் மாட்டு யாவரும் நீங்கா அன்பினராவர் ஆகலின், ‘அடிதழீஇ நிற்கும் உலகு’ என்றும் கூறினார்.).

உரை:

குடிமக்களை அரவணைத்து ஆட்சி நடத்தும் நல்லரசின் அடிச்சுவட்டை நானிலமே போற்றி நிற்கும்.

சாலமன் பாப்பையா உரை:

குடிமக்களை அணைத்துக் கொண்டு, நேர்மையான ஆட்சியை நடத்தும் சிறந்த ஆட்சியாளரின் கால்களைச் சுற்றியே மக்கள் வாழ்வர்.

மணக்குடவர் உரை:

குடியைப் பொருந்தி முறைமை செலுத்துகின்ற பெரிய நில மன்னன் அடியைப் பொருந்தி நிற்கும் உலகு. இது முறைமை செய்யும் அரசன்கண்ணதாம் உலகு என்றது.

Transliteration:

kutidhazheeik koaloachchum maanhila mannan
atidhazheei nhiRkum ulagu

Translation:

Whose heart embraces subjects all, lord over mighty land
Who rules, the world his feet embracing stands.

Explanation:

The world will constantly embrace the feet of the great king who rules over his subjects with love.